زجل الأمانة - بقلم : أسماء طنوس من المكر
خَلِّ بقلبَك أمانِـة ---- تَتكون صادق مَع الغير
أسماء طنوس - صورة شخصية
إن أنكَرتا خِيانِه ---- بايِع قلبـَك وِالضَّمـيـر
___________________________
الأمانِه إلها أسرار ---- حافِظ دايماً عليـها
لَوْ بُحتا بتصير اخبار---- الناس بيِتسَلّوا فيها
لَغيرَك بتِعمل أضرار---- سُمعِة غيرَك داريها
الشّرارَه بِتوَلِّـع نار ---- مَصايِب مالْها تَفسير
____________________________
مِش كُل شي لازم تِحكيه----اللّي إلَك وِاللّي عليك
اللّي بقلبَك وِمْخَبّيه ---- لازم يِبقى وَحدُه ليك
إحفَظهُ ولأ تِلعب فيه ---- وإن حكيتُه راح يِأذيك
وَعدُ الأمانِه إوْفيه ---- بِالْأمين اسمَك بيصير
____________________________
لا تْخَلِّ اللسان يخونَك ---- يْروح ويِكشِف أسرارَك
إحفَظهُ تَنّو يصونَك ---- ولا تْعَرِّفـهم أفكـارَك
ولا تْصَدِّق اللّي يخونَك---- وِاللّي بيُطلُب إنكارَك
لونهُم مِش زَيِّ لونَك ---- مَقصدهُم هُوَّ التَّعثـير
من هنا وهناك
-
‘شعب يتيم على موائد الظالمين‘- بقلم: سليم السعدي
-
‘الشرق الأوسط على حفة هاوية ‘ - بقلم : كمال إبراهيم
-
‘انفجارُ الحرية‘ - بقلم : خالد عيسى
-
‘حياتُنا كما الطّل ‘ - بقلم : زهير دعيم
-
‘ فِي هَذا الصَّباح ‘ - بقلم: كمال إبراهيم
-
‘ المعنى الأخير ‘ بقلم : خالد عيسى من نحف
-
‘لغةُ البقاء — نشيدُ المعنى‘ - بقلم: خالد عيسى من نحف
-
‘شراء النوم‘ - قصة قصيرة بقلم : هادي زاهر
-
‘ أيُّهَا العامُ الجَدِيد ‘ - بقلم : كمال إبراهيم
-
‘ سَاحَاتُ الإنْتَاج ‘ - بقلم : كمال إبراهيم
إعلانات
إعلانات
أرسل خبرا